સ્ટાફ પરિવાર

chiragbhai

ચિરાગભાઈ રાણા

વિષય : ગણિત, વિજ્ઞાન
ધોરણ : ૬ થી ૮

ઉચ્ચ પ્રાથમિક ધોરણોમાં ગણિત વિજ્ઞાનના શિક્ષક. વિજ્ઞાન એમનો ગમતો વિષય. શાળામાં બાળકોને વિજ્ઞાનમાં રસ પડે એ માટે વિવિધ પ્રયોગો કરવામાં બાળકોને રસ ઉત્પન્ન કરવામાં પ્રયત્નશીલ.

વિજ્ઞાનના પ્રયોગો થકી બાળકોમાં જ્ઞાનનુ સિંચન કરવામાં ઉત્સાહી. દરેક બાળકોને નાના નાના પ્રયોગો કરાવે. વિજ્ઞાન વિષય પર અનુભવ આધારિત જ્ઞાન મળે એ માટે બાળકોની કાળજી રાખે.

વિજ્ઞાન થકી જ જીવનમાં સ્વસ્થ, તંદુરસ્ત અને નિરોગી રહી શકાય એ બાળકોને સમજાવીને ગામડાંના બાળકોને શિક્ષણ આપનાર શિક્ષક.

bhaveshbhai

ભાવેશભાઈ પવાર

વિષય : અંગ્રેજી
ધોરણ : ૬ થી ૮

ઉચ્ચ પ્રાથમિક ધોરણોમાં ભાષા શિક્ષક. શાળામાં કમ્પ્યુટર ક્ષેત્રે સૌથી નિષ્ણાંત શિક્ષક. ટેકનોલોજી દ્વારા શિક્ષણ આપવામાં માહેર. વહીવટી બાબતોમાં શાળામાં ઉપયોગી. બાળકોને વિવિધ પ્રકારની પ્રવૃત્તિઓ થકી શિખવા માટે હંમેશા અગ્રેસર. બાળકોને નવી નવી ટેકનોલોજીનો પરિચય એમની પાસેથી જાણવા મળે.

શાળામાં દરેક શિક્ષકોને ટેકનોલોજી બાબતે માર્ગદર્શક પુરું પાડે. શાળાને ટેકનોલોજી થકી આગળ લાવવા હંમેશા ચિંતિત.

diptiben

દિપ્તીબેન વાઘેલા

વિષય : ગણિત , વિજ્ઞાન
ધોરણ : ૬ થી ૮

ઉચ્ચ પ્રાથમિક ધોરણોમાં ગણિત વિજ્ઞાનના શિક્ષક. શાળામાં બાળકોને ગણિત વિષય શિખવાડે. ચોક્કસાઈ અને દેશદુનિયાની અદ્ભુત વાતોનાં જાણકાર.

શાળામાં ગણતિ વિજ્ઞાન પ્રદર્શન હોય કે સાંસ્કૃતિક કાર્યક્રમ. પ્રાર્થના સંમેલન કે પછી વર્ગ ખંડ કાર્યમાં બાળકોને જોડનાર. વિવિધ અનુભવો બાળકો સાથે વહેંચીને જીવનન જીવનની શ્રેષ્ઠ વાતો શિક્ષણ સાથે જોડવાની આવડત.

શાળામાં સૌથી વધુ ભાષાઓ જાણકાર શિક્ષક. શાળામાંથી ભણીને ગયેલા બાળકોને પણ શિક્ષણ લેવાં માટે સતત પ્રેરણા પુરી પાડનારા.

dipikaben

દીપિકાબેન ચૌહાણ

વિષય : ભાષાઓ
ધોરણ : ૬ થી ૮

ઉચ્ચ પ્રાથમિક ધોરણોમાં ભાષા શિક્ષક. ગુજરાતી અને સંસ્કૃત વિષયના નિષ્ણાંત. એમનાં જ્ઞાન થકી બાળકોને સતત શિક્ષણ માટે પ્રોત્સાહિત કરનારા. શાળામાં કામ સિવાયની ભાગ્યે જ ચર્ચા કરતાં હોય. બાળકો અને એમના શૈક્ષણિક કાર્યને વ્હાલ.

કન્યાઓને ભણતર માટે સતત માર્ગદર્શન આપે. ગ્રામ્ય વિસ્તારમાં ભણતર સાથે ગણતરની કેમ જરૂર છે. કન્યાઓને શિક્ષણ ન લે અથવા ઓછું લે તો થતાં નુકસાનને પોતાના શૈક્ષણિક કાર્યમાં વણી લે.

ભાષા ભણાવવાની સાથે રીતરિવાજો અને માન્યતાઓ જાળવીને પણ જીવનમાં વિકાસ કેવી રીતે સાંધી શકાય એ બાળકોને સમજાવાની કળા. દરેક બાળકોને શાળામાં આવવા માટે વિવિધ પ્રયુક્તિઓ કરનાર શિક્ષક.

nayanaben

નયનાબેન પંચાલ

વિષય : ગુજરાતી, અંગ્રેજી
ધોરણ : ૩ થી ૫

નયનાબેન આ શાળામાં 2003 થી ફરજ બજાવે છે. પ્રાથમિક શિક્ષણમાં ધો.3 થી 5 માં ગુજરાતી, હિન્દી અને અંગ્રેજી શીખવાડશે છે. સમયસર દરેક કામ કરવાની નિષ્ઠા. દરેક બાળકોને એનાં માતા-પિતાના નામ સાથે ઓળખે. શીખવવા માટે સતત સક્રિય. ભાષા શીખવતી વખતે કાવ્યના રાગ ખુબ સારી રીતે ગાય શકે છે. સાંસ્કૃતિક કાર્યક્રમ માટે કન્યાઓને તૈયાર કરવાની કુનેહ.

બાળકો એ કુમળો છોડ છે એને જેમ વાળે એમ વળે. એવું એ હંમેશાં માને. બાળકો સાથે વ્હાલથી શિક્ષણ આપવાના કારણે એમનાં વર્ગની હાજરી જળવાઈ રહે. ગામની મહિલાઓને પણ સમજાવે. શાળામાં ભણવાથી થતાં ફાયદા જણાવે.

gokalbhai

ગોકલભાઈ પટેલ

વિષય : ગુજરાતી, પર્યાવરણ
ધોરણ : ૩ થી ૫

શાળામાં બાળકોનાં શિક્ષણ માટે ઉમદા શિક્ષકો છે. ગામનાં જ વતની અને આ શાળામાં જ ભણેલા ગોકળભાઈ સ્વભાવે શાંત અને મૃદુભાષી છે. પાયાના ધોરણ- ૧ અને ૨મા એ ગુજરાતી ભણાવે છે. શાળાને છેલ્લા ૩૪ વર્ષથી સેવા આપીને એ બે પેઢીને ભણાવી ચૂક્યા છે. શાળાને આગળ લાવવા માટે એમનો અમૂલ્ય ફાળો છે.

શાળા અને ગામને જોડવા માટે એ મહત્વની કડીરૂપ કામગીરી કરે છે. શાળામાં વડિલપણું નિભાવવાની એમની આવડત બાળકોને શાળામા લાવવા સફળ રહી છે. કર્મભૂમિ અને માતૃભૂમિને સતત જોડવા માટે મથતાં એ હર હંમેશ શાળા માટે તૈયાર રહે છે.

શાળામાં ગામના બધાં જ બાળકો નિયમિત આવે અને ઉચ્ચ શિક્ષણ સુધી પહોંચે એવાં એમના પ્રયત્નો હોય છે ‌.

narvatbhai

નરવતભાઈ પટેલ

વિષય : ગણિત, હિન્દી
ધોરણ : ૩ થી ૫

શાળામાં સૌથી અનુભવી શિક્ષક. આ શાળામાં 12 વર્ષ આચાર્ય તરીકે ફરજ બજાવી શાળામાં એક એક ઘરનાં નાના-મોટા સૌનાં ચિરપરિચિત. દરેક વાલીઓ સાથે અંગત સંબંધો કસાવવાની કળા.

રમતગમતની વિવિધ સ્પર્ધાઓ માટે બાળકોને તૈયાર કરનાર શિક્ષક. વિવિધ પ્રકારની દોડ માટે બાળકોને તૈયાર કરવામાં જાણકાર. શાળામાં વાલીઓનાં વિવિધ પ્રશ્નો અને સમજાવવાની કળા એમને હસ્તગત.

શૈક્ષણિક કાર્યમાં પ્રવૃતિઓ થકી બાળકોમાં શિક્ષણ પ્રત્યે રસ કેળવવા નકામી વસ્તુઓ દ્વારા શિક્ષણ કાર્ય. અનિયમિત વાલીઓને સતત ફોન અને રૂબરૂ મુલાકાત લેવાની અને સમજાવવાની કોશિશ કરનાર શિક્ષક.

rameshbhai

રમેશભાઈ ડાયરા

વિષય : સામાજિક વિજ્ઞાન
ધોરણ : ૬ થી ૮

ઉચ્ચ પ્રાથમિક ધોરણોમાં સામાજિક વિજ્ઞાનના શિક્ષક. સ્વભાવે ઓછાબોલા અને મૃદુભાષી. શાળામાં એમની આવડત દ્વારા શણગાર માટે નિષ્ણાંત. ભુગોળનુ અદ્ભૂત જ્ઞાન. સૌથી વધુ વાલી સંપર્ક અને ગામને જાણકાર. કયું બાળક ક્યાં ઘરેથી આવે. શાળામાં આવવું ન આવવું હોય ત્યારે શાળા સમય બાદ પણ એમનાં ઘરની રૂબરૂ મુલાકાત લેવાની. સતત બાળકોની ચિંતા.

એમનાં કામની નિષ્ઠા અને ફરજ પ્રત્યે ચિંતનશીલ. શાળામાં નિયમિતતા બાબતે અવ્વલ. પોતાની હકની રજાઓ છોડીને પણ શૈક્ષણિક કાર્ય કરવા પ્રતિબદ્ધ. વર્ગના દરેક બાળકોની નાનામાં નાની વિગતો એમને ખબર હોય. બાળકો સાથે ક્યારેય ગુસ્સો કરતાં ન જોવાય. બાળકોને સન્માન આપવાની અને એમના શ્રેષ્ઠ ભવિષ્ય માટે તૈયાર કરનાર શાળા અને ગામનાં આદર્શ શિક્ષક.

JASGVANTBHAI

જસવંતભાઈ પટેલ

વિષય : ગણિત, હિન્દી
ધોરણ : ૩ થી ૫

શાળામાં પ્રાથમિક શિક્ષક. એકથી પાંચ ધોરણમાં શૈક્ષણિક કાર્ય. આયોજન અને અમલીકરણ આ બે બાબતો સાંકળીને ચાલવાની અદ્ભૂત આવડત. શાળામાં નિર્ણયો લેવામાં એકદમ ગણતરી બાજ. શાળામાં દરેક વસ્તુ એમની નજર તળે. એક નાનકડી ખીલીથી માંડીને દરેક વસ્તુઓ ક્યાં છે એ તમામ એમનાં ધ્યાનમાં.

શાળામાં આવેલા મહેમાનો સાથે વાતચીત કરવી. ગુંચ ઉકેલવામાં ઉસ્તાદ. એમનાં વર્ગની તમામ બાબતો તૈયાર હોય. દરેક ફળિયામાં આવતાં બાળકો સાથે સંબંધ. ભવિષ્યમાં શું અસરો પડશે એ બાબતે હંમેશા વિચારશીલ શિક્ષક.

શાળામાં શિક્ષણ અને વાલીઓને સમજાવવા હંમેશા કટિબદ્ધ. નાનાં બાળકો ને શાળામાં ન આવે તો એમના ભાઈ બહેનો સાથે કેવો 'આઈડિયા' વપરાય એ બાબતે સતત ચિંતનશીલ શિક્ષક.

abhesinh

અભેસિંહ રાઠવા

વિષય : પર્યાવરણ
ધોરણ : ૩ થી ૫

શાળામાં પ્રાથમિક શિક્ષણ સાથે સંકળાયેલા શિક્ષક. પર્યાવરણ અને હિન્દી વિષયને ભણાવનાર. શાળામાં દરેક બાળકોને માહિતી રાખીને વાલીઓને માહિતી આપનાર શિક્ષક.

સ્વભાવે ઓછાબોલા પણ બાળકો સાથે માયાળુ વર્તન રાખનાર. પર્યાવરણ વિષયમાં રસ લેવા મુલાકાત શિક્ષણ આપનાર શિક્ષક.

To Top ↑